2011 წლის აპრილში Opel-მა უკვე წარადგინა თავისი ახალი სამკარიანი ჰეჩბექის, Opel Astra GTC-ის ფოტოები. თუმცა მაშინ გერმანელებმა უარი თქვეს რაიმე ინფორმაციის გავრცელებაზე მანქანის ტექნიკური აღჭურვილობის შესახებ. ფოტოებიც კი არ იყო ბევრი. მხოლოდ სამი და ისიც კომპიუტერული.

ამჯერად Opel-მა ავტომობილის „ცოცხალი" ფოტოები გაავრცელა. თვით მოდელს კი სექტემბერში, ფრანკფურტის ავტოშოუზე წარადგენენ. ევროპაში მანქანის გაყიდვა შემოდგომაზე დაიწყება. Opel-ის ხელმძღვანელობას მიაჩნია, რომ ეს უბრალო Opel Astra GTC უბრალო ჰეჩბექი არ არის. მათი სიტყვით, ის უფრო სერიოზული მოდელია, რომელიც Volkswagen Scirocco-ს გაუწევს კონკურენციას.

ალბათ, ეს სიმართლეს შეესაბამება, რადგან ავტომობილის გარეგანი სახე ძალიან კარგია. ტექნიკური აღჭურვილობის მხრივ მანქანა სერიოზულად განსხვავდება ხუთკარიანი ჰეჩბექისგან. Astra GTC 15 მმ-ით დაბალია ჩვეულებრივ, ვიდრე ჩვეულებრივი Astra, თვლების ბაზა 10 მმ-ით გაზარდეს. გარდა ამისა, მანქანა აღიჭურვება HiPerStrut (High Performance Strut) წინა საკიდარით, რომელიც ადრე შეგვეძლო გვენახა „შეიარარებულ" 325 ცხძ-იან Opel Insignia OPC-ზე. ამას დაემატება FlexRide-ის შასი, სამი რეჟიმით: Standart, Tour და Sport.

Opel Astra GTC-ის მოჰყვება ოთხი ტიპის ძრავა. ესაა 1.4 ლიტრიანი, 120 ცხძ-იანი, ბენზინის ძრავა, იგივე მონაცემებით, ოღონდ ტურბოკომპრესორიანი-140 ცხძ-იანი, 1.6 ლიტრიანი, 180 ცხძ-იანი Turbo და 2.0 ლიტრიანი, 165 ცხძ-იანი დიზელი.